Конференция қорытындысы бойынша Қазақстанның МҚҰ қауымдастығы (ҚМҰҚ) мен «Қазақстанның коллекторлар ұлттық палатасы» (НПКК) қарызға байланысты дауларды сотқа дейін реттеу мәселелері бойынша өзара іс-қимыл және ынтымақтастық туралы меморандумға қол қойды.
Меморандумның мақсаты – ҚМҰҚ құрамына кіретін микроқаржы ұйымдары мен коллекторлық ұйымдардың борышты өндіріп алу жөніндегі дауды сотқа дейін реттеу мәселелері бойынша ынтымақтастығын татуластыру рәсімдерін қолдану арқылы ұйымдастыру, оның ішінде микроқаржы ұйымдарының борышкерлерінде туындайтын қақтығыстарды шешудің балама тәсілі ретінде Stop-collector.kz жобасы арқылы борышкерлерге жеке кестелер мен төлемді кейінге қалдыруды беруге жәрдемдесу.
Клиенттердің микрокредиттер бойынша қайта құрылымдау немесе төлемді кейінге қалдыру туралы өтініштерін коллекторлар қауымдастығының өкілі қабылдап, МҚҰ-ға жұмысқа береді. Сонымен қатар мұндай өтініштер бойынша МҚҰ клиенттерімен жұмысқа ҚМҰҚ құрамына кіретін МҚҰ-лардың бастамасымен құрылған микроқаржы омбудсманы тартылады.
МҚҰ мен коллекторлық ұйымдардың басты міндеті – берешекті өндіріп алуға байланысты микрокредиттер бойынша дауларды сотқа дейін реттеуді күшейту, әрбір өтініш бойынша берешек туралы дауды тікелей МҚҰ және коллекторлық ұйымдармен жедел шешу, МҚҰ мен коллекторлық ұйымдардың әрекеттеріне түскен өтініштер мен шағымдардың жан-жақты және объективті қаралуын қамтамасыз ету.