Алматы, 2025 жылғы 28 мамыр — Fitch Ratings халықаралық рейтингтік агенттігі Jet Finance компаниясына (заңды тұлға: «МҚҰ «Mogo Kazakhstan (Мого Казахстан)» ЖШС) шетел және ұлттық валютадағы ұзақ мерзімді эмитенттің дефолт рейтингісін (IDR) «B-» деңгейінде «Тұрақты» болжаммен берді. Fitch сондай-ақ компанияға ұлттық ұзақ мерзімді «B+(kaz)» рейтингін «Тұрақты» болжаммен тағайындады. Jet Finance Қазақстанның тұтынушылық қаржыландыру секторында осындай рейтинг алған алтыншы компания болды.
Берілген рейтинг Jet Finance компаниясының тұрақты бизнес-моделін көрсетеді, ол негізінен банк тарихы шектеулі клиенттерді кепілмен, көбіне автокөлік кепілдігімен несиелеуге, сондай-ақ шешім қабылдау және қызмет көрсету процестеріндегі цифрлық тәсілге бағытталған. Fitch сонымен қатар бизнестің жоғары маржиналдылығын, қаржыландыру көздерінің біртіндеп әртараптандырылуын және операциялар ауқымының өсуін атап өтті. Халықаралық рейтингтің берілуі Jet Finance үшін жаңа мүмкіндіктер ашады — оның ішінде қаржыландыру тарту, жаңа өнімдерді іске қосу және Қазақстанда да, оның сыртында да серіктестік нарықтарын кеңейту.
«Fitch Ratings тарапынан мойындалу — бұл біздің жаңа буын компаниясын құрып жатқанымызды растайтын стратегиялық жетістік. Біз тұрақтылық, технологиялық даму және ашықтық микроқаржы ұйымының негізі болуы тиіс екенін көрсетеміз. Бұл жай ғана мойындау емес — бұл әрі қарай өсу мен инвесторлар, клиенттер және серіктестер сенімін нығайтудың берік негізі», — деді Jet Finance бас директоры және негізін қалаушы Азамат Сейтбеков.
Jet Finance 2018 жылы құрылған және содан бері тұрақты түрде кредиттеудің орнықты тәсілі бар цифрлық платформаға айналуда. Компания толық кредиттеу циклін қамтамасыз ететін өзінің IT-платформасын қолданады. Jet Finance өз брендтері арқылы бірнеше бағытты басқарады: Jet Car, Jet Money, Jet Auto және Autopark Monitoring, жеке тұлғаларға да, ШОБ сегментіне де инновациялық қаржылық және сервистік шешімдер ұсынады.
Fitch Ratings ресми хабарламасы: https://www.fitchratings.com/research/ru/non-bank-financial-institutions/fitch-rates-microfinance-organisation-mogo-kazakhstan-at-b-outlook-stable-27-05-2025
Қазақстан Республикасы, 050004, Алматы қ., көш. Гоголь 111, 610 к.
amfok.coordinator@gmail.com
+7 (727) 279-18-06
Copyright © 2005 - 2026 Қазақстан микроқаржы ұйымдарының қауымдастығы. Барлық құқықтар сақталған.